അശോക് ഗഹ്ലോട്ടും സച്ചിൻ പൈലറ്റും തമ്മിൽ തർക്കമാണെന്ന് ബിജെപി പ്രചാരണ രംഗത്തുടനീളം തുടര്ച്ചയായി ആവർത്തിച്ചിരുന്നു. എന്നാൽ തിരഞ്ഞെടുപ്പിന് മണിക്കൂറുകൾ മാത്രം ശേഷിക്കെ സച്ചിൻ പൈലറ്റിന്റെ തെരഞ്ഞെടുപ്പ് പ്രചരണ വീഡിയോ മുഖ്യമന്ത്രി അശോക് ഗഹ്ലോട്ട് സോഷ്യല് മീഡിയയിൽ പങ്കുവച്ചത് കോൺഗ്രസ് ക്യാമ്പിന് ആവേശം പകർന്നിട്ടുണ്ട്. എന്നാൽ വിമത ഭീഷണിയും അശോക് ഗഹ്ലോട്ട്-സച്ചിൻ പൈലറ്റ് തർക്കവും തിരിച്ചടിയാകുമെന്ന ആശങ്ക കോൺഗ്രസ് നേതൃത്വത്തിനുണ്ട്. അശോക് ഗഹ്ലോട്ട് പക്ഷത്തെ പ്രമുഖരായ മഹേഷ് ജോഷി, ധര്മേന്ദ്ര റാത്തോഡ് എന്നിവര്ക്ക് കോൺഗ്രസ് സീറ്റ് നിഷേധിച്ചിരുന്നു. ഇവര്ക്ക് പുറമെ ഖിലാഡി ലാല് ബൈര്വ, ഭരത് സിംഗ് കുന്ദന്പൂര്, ഭരോസി ലാല് ജാതവ്, ഹീരാ ലാല് മേഘ്വാള്, ജോഹാരി ലാല് മീണ, ബാബു ലാല് ബൈര്വ, കൂടാതെ കോണ്ഗ്രസ് സര്ക്കാരിനെ പിന്തുച്ച സ്വതന്ത്ര എംഎല്എമാരായ രാജ്കുമാര് ഗൗര്, അലോക് ബെനിവാള് എന്നിവര്ക്കും കോണ്ഗ്രസ് സീറ്റ് നിഷേധിച്ചിട്ടുണ്ട്. ഇവരില് പലരും റിബല് സ്ഥാനാര്ത്ഥികളായി മത്സരരംഗത്തുണ്ട്.
Tags:
NATIONAL