ദേശീയപാതയിൽ കണ്ണുക്കരയിൽ വാഹന അപകടം നിരവധി പേർക്ക് പരിക്ക് രണ്ടുപേരുടെ നില ഗുരുതരം

 വടകര  : തലശ്ശേരി -വടകര ദേശിയ പാതയിൽ മടപ്പള്ളി കണ്ണൂക്കരക്കും കൈനാട്ടിക്കും ഇടയിലുണ്ടായ വാഹനാപകടത്തിൽ 20 ലധികം പേർക്ക് പരിക്ക് .  

കെ എസ് ആർ ടി സി ബസ് നാഷണൽ പെർമിറ്റ് ലോറിയിൽ കൂട്ടിയിടിച്ചാണ് അപകടമുണ്ടായത് . ഇരുവാഹനങ്ങളിലെയും ഡ്രൈവർമാരുടെ പരിക്ക് ഗുരുതരമാണ് .

ലോറിയുടെ ക്യാബിനുള്ളിൽ കുടുങ്ങിയ ഡ്രൈവറെ ക്യാബിൽ പൊളിച്ചുമാറ്റിയാണ് പുറത്തെടുത്തത് . വടകരയിൽ അപകടത്തിൽപ്പെട്ടവരേറെയും കൊട്ടിയൂർ തീർത്ഥാടകരാണ്  .

ഇന്ന് വൈകീട്ട് 5 : 15 ഓടെയായിരുന്നു  അപകടം .    ബസ് യാത്രക്കാർക്ക് ഉൾപ്പെടെ 20 ഓളം പേരെ വടകര പാർകോ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ഹോസ്പിറ്റലിൽ പ്രവേശിപ്പിച്ചത്  .

ശിവപ്രിയ(10 ) കൊമ്പത്ത് ,നിഷാന്ത് (32 )കേളോത്ത്കുനിയിൽ, മോഹനൻ (63 ) തയ്യുള്ളതിൽ , ഗീത തച്ചൻകുന്ന് (51 ) ,മോളി (51 ) മഠത്തിൽ , റോഷ്‌നി (55 ) ദീപ്തി , ഷീന (44 ) മഠത്തിൽവീട് , അഖില (41 ) കാരുണാലയം , ദാമോദരൻ (73 ) കോലോത്ത് കുഴിയിൽ , തുഷാര (45 ) കക്കട്ട് , ഷാജി (47 ) കൂബ്രാട്ട , പത്മിനി (64 ) പുതിയമ്മയിൽ , അബ്ദുൽ ഗഫൂർ( 52 ) കച്ചവികുന്നുമ്മൽ , ശ്രീമതി (56 ) തയ്യിൽ , പത്മജ (52 ) നമ്പിവീട്ടിൽ , അനുശ്രീ (32 ) കരാഹരം , ഗീത ശിവദാസ് (55 ), ജാനകി (67 ) . എന്നിവരാണ്  ആശുപത്രിൽ ചികിത്സയിലുള്ളത് .