വിപണിയിലൂടെ 10 ശതമാനം അധികം വില നല്കിയാണ് കൃഷിക്കാരില് നിന്നും പഴങ്ങളും പച്ചക്കറികളും സംഭരിക്കുന്നത്. ഇടനിലക്കാരെ ഒഴിവാക്കി നേരിട്ടു സംഭരിക്കുന്നതിനാല് കര്ഷകര്ക്ക് കൂടുതല് ഗുണകരമാകും. പച്ചക്കറി ആവശ്യങ്ങള്ക്ക് നമുക്ക് അന്യസംസ്ഥാനങ്ങളെ ആശ്രയിക്കേണ്ട സാഹചര്യമുണ്ട്.ഇത്തരം സ്ഥലങ്ങളില് നിന്നും കര്ഷകക്കൂട്ടായ്മകളുമായി ചര്ച്ച ചെയ്ത് ഉല്പ്പന്നങ്ങള് ശേഖരിക്കുന്നത് ഉപഭോക്താക്കള്ക്ക് ഗുണം ചെയ്യുന്നു. അനുവദനീയമായ അളവിനേക്കാള് വിഷാംശം കൂടുതലുള്ള പച്ചക്കറികള് ഒഴിവാക്കുന്നു എന്ന പ്രത്യേകതയുമുണ്ട്.
എന്നാല് പച്ചക്കറി ഉല്പ്പാദനത്തില് സ്വയം പര്യാപ്തതയിലെത്താന് കഴിയുന്ന സംസ്ഥാനമെന്ന നിലയില് അത്തരത്തിലുള്ള ആത്മാര്ഥമായ പരിശ്രമങ്ങള് ഉണ്ടാകണം. പഴവര്ഗങ്ങളും, ഇലവര്ഗങ്ങളും ഉള്പ്പെടെയുള്ള പല പച്ചക്കറികളും നമ്മുടെ പറമ്പിലും കൃഷിയിടങ്ങളിലും ഉല്പ്പാദിപ്പിക്കാന് കഴിയണം. ഇതിനാവശ്യമായ ബൃഹത്തായ പദ്ധതിയ്ക്ക് സംസ്ഥാന സര്ക്കാര് രൂപം നല്കിക്കഴിഞ്ഞുവെന്ന് മന്ത്രി പറഞ്ഞു.