തിരുവനന്തപുരം | പാലോട് ഇളവട്ടത്ത് ഭര്തൃവീട്ടില് നവവധുവിനെ തൂങ്ങിമരിച്ച നിലയില് കണ്ടെത്തിയ സംഭവത്തില് ഭര്ത്താവിന്റെ സുഹൃത്തും പോലീസ് കസ്റ്റഡിയില്. ഭര്ത്താവ് അഭിജിത്തിന്റെ സുഹൃത്ത് അജാസിനെയാണ് പോലീസ് കസ്റ്റഡിയിലെടുത്തത്. അഭിജിത്തിനെയും അജാസിനെയും പോലീസ് ചോദ്യം ചെയ്തു വരികയാണ്.
അഭിജിത്തിന്റെയും അജാസിന്റെയും ഫോണിലെ വാട്സ് ആപ് ചാറ്റുകള് ഡിലീറ്റ് ചെയ്ത നിലയിലാണ്.യുവതിയെ സുഹൃത്ത് മര്ദ്ദിച്ചുവെന്ന് പോലീസ് സംശയിക്കുന്നുണ്ട്. മരിച്ച ഇന്ദുജയുടെ കണ്ണിന് താഴെയും തോളിലുമായി മര്ദനത്തിന്റെ പാടുകളുണ്ടായിരുന്നു.
പാലോട് ഇടിഞ്ഞാര് കൊളച്ചല് കൊന്നമൂട് സ്വദേശി ഇന്ദുജയെ ആണ് ഇന്നലെ ഉച്ചക്ക് വീടിനുള്ളില് മരിച്ച നിലയില് കണ്ടെത്തിയത്. ഭര്തൃ വീട്ടില് നിരന്തരം മാനസിക പീഡനങ്ങളും ഭീഷണിയും നേരിടുന്നതായി മകള് തങ്ങളെ അറിയിച്ചതായും എന്നാല് തങ്ങളെ അവിടേക്ക് ചെല്ലാന് അനുവദിച്ചിരുന്നില്ലെന്നുമാണ് ഇന്ദുജയുടെ കുടുംബം ആരോപിക്കുന്നത്. മരണത്തില് ദുരൂഹത ആരോപിച്ച് യുവതിയുടെ കുടുംബമാണ് പോലീസില് പരാതി നല്കിയത്.
Tags:
തിരുവനന്തപുരം