റായ്പൂര്: ഇന്റര്നാഷണല് മാസ്റ്റേഴ്സ് ലീഗ് ടി20 കിരീടം ഇന്ത്യക്ക്. ഫൈനലില് വെസ്റ്റ് ഇന്ഡീസിനെ ആറ് വിക്കറ്റിന് തോല്പ്പിച്ചാണ് ഇന്ത്യ കിരീടം നേടിയത്. റായ്പൂര്, വീര് നാരായണ് സിംഗ് രാജ്യന്തര ക്രിക്കറ്റ് സ്റ്റേഡിയത്തില് 149 റണ്സ് വിജലക്ഷ്യം പിന്തുടര്ന്ന് ഇന്ത്യ 17.1 ഓവറില് നാല് വിക്കറ്റ് മാത്രം നഷ്ടത്തില് ലക്ഷ്യം മറികടന്നു. 50 പന്തില് 74 റണ്സ് നേടിയ അമ്പാട്ടി റായുഡുവാണ് ഇന്ത്യയെ വിജയത്തിലേക്ക് നയിച്ചത്. ക്യാപ്റ്റന് സച്ചിന് ടെന്ഡുല്ക്കര് 18 പന്തില് 25 റണ്സുമായി മടങ്ങി. നേരത്തെ, ടോസ് നേടി ബാറ്റിംഗിനെത്തിയ വെസ്റ്റ് ഇന്ഡീസ് മാസ്റ്റേഴ്സിനെ ലെന്ഡല് സിമോണ്സ് (41 പന്തില് 57), ഡ്വെയ്ന് സ്മിത്ത് (35 പന്തില് 46) എന്നിവരുടെ ഇന്നിംഗ്സാണ് മാന്യമായ സ്കോറിലേക്ക് നയിച്ചത്. ഇന്ത്യക്ക് വേണ്ടി വിനയ് കുമാര് മൂന്നും ഷഹ്ബാസ് നദീം രണ്ടും വിക്കറ്റ് വീഴ്ത്തി. ഏഴ് വിക്കറ്റുകള് അവര്ക്ക് നഷ്ടമായി.
