എല്ലാ മനുഷ്യര്ക്കും ദൈവ സ്നേഹം അവകാശപ്പെട്ടതാണെന്നും ആര്ക്കും അതു തടയാന് പാടില്ലെന്നും ലോകത്തോടു പറഞ്ഞ മാര്പ്പാപ്പയാണ് ഓര്മയാവുന്നത്. 11 വര്ഷം ആഗോള സഭയെ നയിച്ച പിതാവാണ് കാലം ചെയ്തത്. 2013 മാര്ച്ച് 13 ന് മാര്പ്പാപ്പ പദവിയിലെത്തി. കത്തോലിക്കാ സഭയുടെ 266 മത്തെ മാര്പ്പാപ്പ ആയിരുന്നു. മാര്പ്പാപ്പയുടെ വിയോഗത്തില് അനുശോചന പ്രവാഹമാണ്.
അര്ജന്റീനയിലെ ബ്യുണസ് അയേഴ്സില് 1936 ഡിസംബര് ഏഴിനായിരുന്നു ജനനം. ഹോര്ഗെ മരിയോ ബെര്ഗോളിയോ എന്നായിരുന്നു യഥാര്ഥ പേര്. 1958 ലാണ് ഈശോ സഭയില് ചേര്ന്നത്. 1969 ഡിസംബര് 13 ന് പൗരോഹിത്യം സ്വീകരിച്ചു. 2001 ഫെബ്രുവരി ഒന്നിന് കര്ദിനാള് ആയി. ഇന്ത്യന് യാത്ര എന്ന ആഗ്രഹം സഫലമാകാതെയാണ് മാര്പ്പാപ്പയുടെ വിയോഗം. അടുത്ത വര്ഷം ഇന്ത്യ സന്ദര്ശിക്കാനുള്ള ആഗ്രഹം മാര്പ്പാപ്പ പ്രകടിപ്പിച്ചിരുന്നു. പ്രധാനമന്ത്രി നേരിട്ട് ഫ്രാന്സിസ് മാര്പ്പാപ്പയെ ഇന്ത്യയിലേക്ക് ക്ഷണിക്കുകയും ചെയ്തിരുന്നു.
Tags:
INTERNATIONAL